Heefeg gestallte Froen

D’Umeldung geschitt iwwer myguichet.lu. No der Umeldung kritt Dir eng automatesch Notifikatioun vu myguichet iwwer Är Adhesioun.

No Ärer Adhesioun kennt Dir eise Katalog kucken an Iech bei Aktivitéiten umellen.

Demandeurs et demandeuses de protection internationale (DPI), déi nach keen eegene LuxTrust Certificat besetzen, kenne manuell vun engem Mataarbechter vun der Biergerpakt-Ekipp ageschriwwe ginn.

• Follgend Informatioune gi gebraucht:
  • Numm a Virnumm
  • Emailadress
  • Matricule
  • Sprooch, an där Dir am Léifsten ugeschriwwe gitt

Virausgesat Dir kënnt eng Affiliatiounsbescheinegung vum Centre Commun de la Sécurité Sociale (CCSS) virleeën, déi manner wéi dräi Méint al ass. Dës Bescheinegung muss bei der Adhesioun op myguichet.lu eropgeluede ginn.

De Biergerpakt huet keng fest Dauer. Ären Dossier gëtt awer automatesch zougemaach, wann Dir zwee Joer laang u kenger Aktivitéit deelgeholl hutt.

No all neier Participatioun kritt Dir eng aktualiséiert Iwwersiicht an Ärem myguichet.lu-Beräich.

Nom Gesetz vum 23. August zum interkulturellen Zesummeliewen ass de Biergerpakt fir all Persoun iwwer 18 Joer op. Aus deem Grond sinn d’Aktivitéite net fir Kanner a Jugendlecher op. D’Kanner vun de Biergerpakt Adhérenten kennen dofir och net un Aktivitéiten deelhuelen, et sief dann, et handelt sech em spezifesch Aktivitéite fir Familljen an dës sinn och esou gekennzeechent.

Dir musst net um Biergerpakt deelhuelen, fir d’lëtzebuergesch Nationalitéit dierfen unzefroen. De Biergerpakt bitt awer en Avantage, wann een d’Nationalitéit per Optioun wëll ufroen. Wann Dir um Orientéierungsdag an um Cours “Lëtzebuerg entdecken” deelgeholl hutt an de Niveau A1.1 an enger vun de Landessproochen ereecht hutt, kritt Dir e Certificat vum Biergeprakt. Dëse Certificat kennt Dir Ärer Demande bäileeën a profitéiert esou mat vun enger méi schneller Prozedur.

De Biergerpakt-Certificat gëtt Iech keng Dispense fir de Sproochentest am Kader vun der Demande fir d’Nationalitéit.

Dir kennt eis och e Certificat vun engem Sproochecours iwwer eise Kontaktformular erareechen.

Mee et ass wichteg datt dës Sproochenaktivitéit wärend Ärer Biergerpakt-Adhesioun geschitt ass.

Persounen, déi wëllen d’Nationalitéit par Option ufroen, mussen obligatoresch um Cours “Vivre ensemble” deelhuelen, och wa si de “Lëtzebuerg entdecken” gemaach hunn.

Allerdings besteet e Lien tëscht deenen zwee Coursen op follgend Art a Weis:

• Wann Dir um Cours “Lëtzebuerg entdecken” deelgeholl hutt, kennt Dir domat eng Dispense vum Module 3 vum “Vivre ensemble” kréien.
• Wann Dir um Cours « Vivre ensemble » deelgeholl hutt, kennt Dir beim Biergerpakt eng Dispense vum “Lëtzebuerg entdecken” kréien. Dofir musst Dir eis just Äre Certificat via eise Kontaktformulaire eraschécken.

Et ass obligatoresch, un alle Sessioune vun engem Cours deelzehuelen. A ganz seelene Fäll, an op Basis vun engem Justificatif (Krankeschäin, Urgence op der Aarbecht), ass et méiglech eng Ausnam ze maachen.

De Link befënnt sech an Ärer Confirmatiounsemail, déi Dir zwee oder dräi Deeg virum Cours geschéckt krut. Kuckt och an Ärem SPAM no. Wann Dir do näischt fannt, schéckt eis Är Demande iwwer eise Kontaktformulaire eran.

Persounen, déi wëllen d’Nationalitéit par Option ufroen, mussen obligatoresch um Cours “Vivre ensemble” deelhuelen, och wa si de “Lëtzebuerg entdecken” gemaach hunn.

Allerdings besteet e Lien tëscht deenen zwee Coursen op follgend Art a Weis:

• Wann Dir um Cours “Lëtzebuerg entdecken” deelgeholl hutt, kennt Dir domat eng Dispense vum Module 3 vum “Vivre ensemble” kréien.
• Wann Dir um Cours « Vivre ensemble » deelgeholl hutt, kennt Dir beim Biergerpakt eng Dispense vum “Lëtzebuerg entdecken” kréien. Dofir musst Dir eis just Äre Certificat via eise Kontaktformulaire eraschécken.

De Biergerpakt baséiert um Gesetz vum 23. August 2023 iwwert dat interkulturellt Zesummeliewen, dat den 1. Januar 2024 a Kraaft getrueden ass.

Dëst Gesetz definéiert dat interkulturellt Zesummeliewen als e partizipativen, dynameschen a kontinuéierleche Prozess, deen all Persoun, déi zu Lëtzebuerg wunnt oder schafft, erméiglecht zesummen ze liewen, ze schaffen an ze decidéieren.

Dat interkulturellt Zesummeliewen baséiert op géigesäitegem Respekt, Toleranz, Solidaritéit, sozialer Kohäsioun an dem Engagement géint Rassismus an all Form vu Diskriminéierung. Et gesäit Diversitéit als e Räichtum an eng Stäerkt fir d’Entwécklung vun enger interkultureller Gesellschaft.

De Gemengepakt gëtt vun enger Gemeng ënnerschriwwen. Domat engagéiert sech d’Gemeng sech fir dat interkulturellt Zesummeliewen. De Gemengepakt ass an thematesch Zyklen strukturéiert, déi sech a verschiddenen Etappen ofspillen.

Och wann Är Gemeng de Gemengepakt ënnerschriwwen huet, sidd Dir net automatesch Adhérent(e) vum Biergerpakt. Dem Biergerpakt bäitrieden ass eng perséinlech Demarche, déi all BiergerInn muss selwer maachen. Allerdings kréien d’Gemengen e Subside fir all Bierger, deen dem Biergerpakt bäigetrueden ass.