Eng ideal Geleeënheet, fir sech z’informéieren, sech auszetauschen an sech ze engagéieren
Den „Orientéierungsdag“ ass en Hallefdag-Event, deen zweemol am Joer am Kader vum Biergerpakt organiséiert gëtt.
Wärend dësem Event hutt Dir d’Méiglechkeet:
- Iech un den Informatiounsstänn vu ville Ministèren, Verwaltungen an Associatiounen iwwer administrativ Demarchen z’informéieren;
- Iech am Kader vun interaktive Workshops mat Acteure vum lëtzebuergeschen Associatiouns- a Kulturliewen auszetauschen; an
- Är Liewenserfarungen zu Lëtzebuerg mat deenen anere Participanten ze deelen.
D’Zil vum Orientéierungsdag ass et, de Membere vum Biergerpakt Zougang zu Informatiounen iwwer administrativ Demarchen an iwwer Méiglechkeete fir um gesellschaftleche Liewen deelzehuelen ze bidden.
De leschten Orientéierungsdag huet de 14. Mäerz 2026 stattfonnt, an deen nächsten ass den 19. September 2026. D’Aschreiwunge ginn deemnächst opgemaach.
