Detailer
- Organisateur : Direction générale du secteur de l'enfance du Ministère de l'éducation nationale, de l'enfance et de la jeunesse
- Datum : 13/07/2026 13:00 - 13:30
- Durée : 30 min.
-
Wou :
Online
- Sprooch(en) : FR
- Sproochniveau : B2
Type d’évènement
- Sessions d'information en ligne
Aschreiwung
An dëser Informatiounssessioun ginn déi non-formell Bildung souwéi déi verschidde Bildungs- a Betreiungsoffere fir Kanner vun 0 bis 12 Joer virgestallt.
D’Bildungs- a Betreiungsstrukturen si Plaze vum Léieren duerch Spill an Entdeckung, an deenen d’Kanner an hirer sozial-emotionaler Entwécklung souwéi beim Opbau vu wichtege Kompetenze fir d’Zesummeliewen an enger diverser Gesellschaft ënnerstëtzt ginn. Dës Strukturen si edukativ Liewensraim, an deenen, genee ewéi an der Schoul an an der Famill, déi pedagogesch Grondsätz vun der non-formeller Bildung ëmgesat ginn, fir d’Entwécklung, d’Wuelbefannen an d’Inklusioun vun all Kand ze fërderen.
Si droen dozou bäi, datt all Kand déi selwecht Startchancen an déi selwecht Méiglechkeete fir Erfolleg kritt, onofhängeg vu sengem sozialen oder kulturellen Hannergrond. Dat geschitt an engem gemeinsame Kader, an deem sproochlech, kulturell a sozial Diversitéit als Räichtum ugesi gëtt.
Während dëser Sessioun kritt Dir en Abléck an:
• déi verschidde Betreiungsforme fir Äert Kand,
• d’Modalitéite fir Äert Kand an enger Struktur unzemellen,
• souwéi an d’Demarchë fir vum Chèque-Service Accueil (CSA) kënnen ze profitéieren, de finanzielle Supportsystem, deen den Zougang zu Bildungs- a Betreiungsstrukture vereinfachen soll.