Weekend vum Wëlle Westen

Detailer

• Organisateur : Service Tourisme et Service Vivre Ensemble Syndicat Intercommunal "Kanton Réiden"
• Datum : 28/06/2026 10:00 - 18:00
• Durée : 8H
• Wou :
  Musée Thillenvogtei
  Maison 3, L-8831 Rindschleiden

e „Weekend vum Wëlle Westen“ ass eng alljäerlech touristesch Manifestatioun, déi all Joer op enger anerer Plaz am Kanton Réiden organiséiert gëtt. D’Zil vun dësem Event ass et, d’Diversitéit an d’Attraktivitéit vun der Regioun ze weisen an esouwuel den Awunner wéi och de Visiteuren en ëmfaassenden Abléck an d’Offer vum Kanton ze ginn.

Am Mëttelpunkt steet d’Entdeckung vum Kanton: D’Visiteuren hunn d’Méiglechkeet, d’Regioun besser kennenzeléieren an ze entdecken, wat si alles ze bidden huet.

De „Weekend vum Wëlle Westen“ riicht sech un e breede Public: Awunner aus dem Kanton Réiden, Visiteuren aus ganz Lëtzebuerg souwéi Gäscht aus de Grenzregiounen. Besonnesch Famillje mat Kanner profitéiere vun engem ofwiesslungsräichen an ënnerhalende Programm, deen gezielt op hir Besoine zougeschnidde ass.

E weidere wichtege Bestanddeel vum Event ass d’Plattform fir lokal Acteuren. Veräiner kréien d’Méiglechkeet, sech virzestellen, hir Offer sichtbar ze maachen an eventuell nei Memberen ze gewannen. Gläichzäiteg stäerkt d’Manifestatioun d’Vernetzung tëscht de verschiddenen touristesche Partner am Kanton. De Tourismus kann seng vill Partner op enger Plaz zesummebréngen an no bausse weisen, wat d’Regioun alles ze bidden huet.

Donieft dréit d’Event dozou bäi, gezielt Visiteuren op déi verschidde Uertschaften am Kanton opmierksam ze maachen an dobäi och fir aner Attraktiounen, Offeren an Aktivitéiten ze reklaméieren.

De „Weekend vum Wëlle Westen“ steet am Aklang mat den zentrale Ziler a Wäerter vum Kanton Réiden. Hie dréit dozou bäi, d’Attraktivitéit vun der Regioun ze stäerken an ënnerstëtzt d’wirtschaftlech, sozial, kulturell, edukativ an touristesch Entwécklung vum Kanton.

Am Ganze gesinn ass dës Manifestatioun vill méi wéi just e Fest, si ass eng lieweg Vitrine vun der Regioun, eng Plaz fir Begéinungen an Iddien an e staarkt Symbol fir Zesummenaarbecht, Identitéit an regional Diversitéit. Keng Umeldung néideg!